اب وقت آگیا ہے بدلنے کا ۔۔۔۔ا لیکشن سے پہلے جلد ہی یہ کام کرنے والی ہوں، ماہرہ خان نے حیران کن اعلان کر دیا

کراچی (ویب ڈیسک) پاکستان کی معروف فلمسٹار ماہرہ خان نے سماجی رابطے کی ویب سائٹ فیس بُک پر ایک ویڈیو پوسٹ کی اور ساتھ لکھا کہ وقت آگیا ہے بدلنے کا ، کیونکہ صرف اُٹھنا کافی نہیں ہے۔ اپنے پیغام میں ماہرہ خان نے مزید کہا کہ میں پریس کانفرنس میں بہت

جلد اپنی پارٹی کا اعلان کروں گی۔ ماہرہ خان نے اپنی اس پوسٹ میں نیس کیفے کی پارٹی کا ذکر کیا ہے اور ساتھ ہی ساتھی اداکارہ اُشنا شاہ کی ایک ویڈیو بھی شئیر کی۔نیس کیفے نے حال ہی میں اپنی دو پارٹیاں بنائی ہیں جن میں سے ایک پارٹی چائے پینے والوں اور دوسری کافی پینے والوں کی ہے۔ فلم انڈسٹری کے تمام ستارے اپنی اپنی پارٹی کا اعلان کر رہے ہیں۔ اُشنا شاہ نے اپنی ویڈیو میں چائے کی پارٹی کا انتخاب کیا ۔اُشنا شاہ کی ویڈیو میں چائے کی پارٹی کا ترانہ بھی موجود ہے۔ اُشنا شاہ کی پارٹی کا نام ”سوشل لیگ آف ویکرز” ہے جس میں سب چائے کے شوقین افراد ہی موجود ہیں۔اس ویڈیو کو شئیر کرتے ہوئے ماہرہ خان نے اپنی پوسٹ میں لکھا کہ صرف اُٹھنا کافی نہیں ہے۔ اور ساتھ ہی انہوں نے جلد ہی پریس کانفرنس کا اعلان بھی کیا جس میں وہ اپنی پارٹی سے متعلق اعلان کریں گی۔ یاد رہے کہ فلمسٹار ماہرہ خان کا شمار پاکستان کی اول درجے کی اداکاراؤں میں ہوتا ہے ۔ ماہرہ خان ڈرامہ سیریل ”ہم سفر” سے شہرت کی بلندیوں پر پہنچیں، ماہرہ خان کا یہ ڈرامہ سیریل نہ صرف پاکستان بلکہ بھارت میں بھی نشر کیا گیا جس کے بعد ماہرہ خان نے بالی وڈ کے کنگ خان شاہ رخ خان کے ساتھ فلم ”رئیس” میں بھی اداکاری کے جوہر دکھائے اور اپنے ٹیلنٹ کا لوہا منوایا۔(ف،م)

دوستوں سے شئیر کریں