urdutvonline.com

اب ڈرون حملہ ہوا تو۔۔۔ٹرمپ تم اپنا انجام دیکھ لینا:پاکستان نے بھی امریکہ کیخلاف اہم اقدام اٹھا لیا

اسلام آباد( نیوز ڈیسک) دفتر خارجہ کے ترجمان ڈاکٹر فیصل کا کہنا ہے کہ آئی ایس پی آرسے واضح بیان آچکا ہے کہ ڈرون حملہ ہوا تو موثر جواب دیا جائے گا۔دہشت گردی کے خلاف پاکستان کی قربانیاں ڈھکی چھپی نہیں، پاکستان نے امریکی صدر کے ٹویٹ پر امریکی سفیر کو طلب کرکے احتجاج ریکارڈ کرایا ہے۔دفترخارجہ اسلام آباد میں ہفتہ وار پریس بریفنگ کے دوران امریکی امداد کی بندش سے متعلق ڈاکٹرمحمد فیصل نے کہا کہ ہماری خارجہ پالیسی کا تعین اقتصادی پالیسی کے تحت نہیں کیا جاتا، زندہ قومیں چیلنجز کا مقابلہ خندہ پیشانی سے کرتی ہیں،امریکا کی جانب سے امداد کی فراہمی پر تفصیلی ریکارڈ جاری کیا جائے گا۔ ممکنہ امریکی ڈرون حملے کے حوالے سے سوال پرترجمان دفترخارجہ کا کہنا تھا کہ آئی ایس پی آرسے واضح بیان آچکا ہے کہ ڈرون حملہ ہوا تو موثر جواب دیا جائے گا۔ترجمان دفتر خارجہ نے کہا کہ پاکستان میں چین کے فوجی اڈے بنانے کا کوئی منصوبہ زیرغور نہیں اور نا ہی گوادر یا اس کے نواحی علاقوں میں فوجی اڈے بنانے سے متعلق چین کی کوئی درخواست ملی ہے، چند عناصرکی جانب سے اس ترقیاتی منصوبے پرافواہیں پھیلائی جارہی ہیں۔ایران میں جاری مظاہروں پر ترجمان دفتر خارجہ نے کہا کہ ایران ہمارا برادر اسلامی ملک ہے، مظاہرے ایران کا اندرونی معاملہ ہے، امید ہے تہران حکومت پرامن طریقے سے مظاہروں پر قابو پالےگی۔انہوں نے کہا کہ بھارت نے حضرت خواجہ معین الدین ؒ کے عرس میں شرکت کے لیے پاکستاینیوں کو ویزے جاری نہیں کئے اس کے علاوہ بھارت نے ورلڈ کپ کیلئے اپنی قومی بلائنڈ کرکٹ ٹیم کونہیں آنے دیا جو کہ افسوسناک ہے۔
دوستوں سے شئیر کریں

Comments

comments

مزید پڑھیں  انڈےکے چھلکے ہرگز مت پھینکیں کیونکہ آپ ان سے اپنے لاکھوں روپے بچا سکتے ہیں