ترکما نستان میں حکومت نے سفید رنگ کے علاوہ باقی رنگ کی گاڑیوں پر پابندی لگادی ، وجہ انتہائی دلچسپ

ترکمانستان (نیوزڈیسک) ترکمانستان کے دارالحکومت اشک آباد میں سڑکوں پر سیاہ یا گہرے رنگ کی گاڑیاں چلانے پر پابندی عائد کردی گئی۔ایک رپورٹ کے مطابق صدر ترکمانستان قربان علی بردی محمدوف نے اشک آباد میں چلنے والی سیاہ یا دیگر گہرے رنگ کی گاڑیوں پر پابندی عائد کی۔صدر کا خیال ہے کہ سفید رنگ خوش قسمتی کی نشانی ہے، لہذا شہر میں سفید یا پھر بالکل ہلکے رنگ کی گاڑیاں ہی چلائی جانی چاہئیں۔ ترکمانستان کی خبر رساں ایجنسی کے مطابق اگر کوئی بھی شہری اشک آباد میں سفید کے علاوہ کسی گہرے رنگ کی گاڑی چلاتا ہوا پایا گیا تو پولیس اس گاڑی کو اپنی تحویل میں لے لے گی۔جس کے بعد گاڑی کے مالک کو ایک دستاویز پر دستخط کرکے پولیس کو یہ یقین دہانی کروانی ہوگی کہ وہ گاڑی کا رنگ تبدیل کروائے گا۔مزید واضح رہے کہ اشک آباد کو سفید سنگ مرمر کا شہر کہا جاتا ہے، یہی وجہ ہے کہ یہ دنیا کی سب سے زیادہ سفید مرمر کی حامل عمارتوں کی فہرست میں پہلے نمبر پر ہے۔
دوستوں سے شئیر کریں

Comments

comments

مزید پڑھیں  شاہ رخ خان کے لئے گلوکار زین ملک کا اپنی گرل فرینڈ سے انوکھا مطالبہ، جا ن کر حیران رہ جائیں گے