’’جیسی کرنی ویسی بھرنی‘‘ ایف سیون ،ای الیون میں جائیدادیں،ڈیڑھ کروڑ رشوت،عدلیہ اور فوج کیخلاف پراپیگنڈہ ،مریم اورنگزیب کیخلاف تحقیقات کا آغاز،سنسنی خیز انکشافات

اسلام آباد(مانیٹرنگ ڈیسک) سابق وفاقی وزیر اطلاعات مریم اورنگزیب کیخلاف چیئرمین نیب کو درخواست دے دی گئی ۔ درخواست میں اختیارات کے غلط استعمال ، اسلام آباد کے مہنگے سیکٹر ایف سیون اور ای الیون میں جائیدادیں بنانے ، مسلم لیگ (ن) کے سوشل میڈیا ارکان کو پی ٹی وی میں بھرتی کرانے اور لائف ٹائم اچیومنٹ ایوارڈ تقریب کی مد میں ڈیڑھ کروڑ روپے رشوت لینے جیسے سنگین الزامات عائد کئے گئے ہیں ۔

جبکہ بدانتظامی کے باعث پی ٹی وی کے 350ملازمین کے ریٹائرمنٹ فوائد سے محرومی کا ذمہ دار بھی مریم اورنگزیب کوقرار دیا گیا ہے ۔تفصیلات کے مطابق سابق وفاقی وزیر اطلاعات مریم اورنگزیب کیخلاف اختیارات کے ناجائز استعمال اور مالی بدعنوانی کے الزامات پر مبنی درخواست چیئرمین نیب کو دائر کردی گئی ہے جس پر نیب نے تحقیقات کا آغاز بھی کردیا ہے ۔ درخواست میں مریم اورنگزیب کیخلاف مالی بدعنوانی کے سنگین الزامات عائد کئے گئے ہیں جن میں اختیارات کا غلط استعمال ، اسلام آباد کے پوش علاقوں ایف سیون اور ای الیون میں حکومت کے آخری ایام میں جائیدادیں خریدنے ، سرکاری رہائش گاہ پر بجٹ سے زیادہ چالیں لاکھ روپے خرچ کرنے اور لائف ٹائم اچیومنٹ ایوارڈ تقریب کی مد میں ڈیڑھ کروڑ روپے رشوت لینے کے الزامات لگائے گئے ہیں اس کے علاوہ پی ٹی وی میں مسلم لیگ (ن) کے سوشل میڈیا ٹیم کے سرگرم کارکن عمار مسعود سمیت بڑی تعداد میں کارکنوں کو بھرتی کروانے ، مسلم لیگ (ن) کے خصوصی نغموں کے لئے سرکاری ٹی وی کے وسائل استعمال کرنے ، مریم نوازکی زبانی ہدایت پر اشتہارات کے اجرا اور میڈیا انڈسٹری میں موجود چالیس سے زائد افراد کو عدلیہ اور فوج کیخلاف پروپیگنڈا کرنے کیلئے سرکاری خزانے سے تنخواہیں ادا کرنے کا الزام بھی عائد کیا گیا ہے جبکہ اکیس کے قریب نواز لیگی کارکنان کو پیمرا میں بھرتی کروانے کی کوشش بھی کی گئی لیکن پیمرا حکام نے فہرست کو مسترد کرکے واپس بھیج دیا تھا ۔ واضح رہے کہ پی ٹی وی میں ہونے والی بے ضابطگیوں کی بدولت فنڈز کی کمی سے پی ٹی وی کو 350ملازمین ریٹائرمنٹ کے فوائد سے محروم رہ گئے تھے نیب نے ان تمام الزامات پر مبنی درخواست وصول کرکے چھان بین شروع کردی ہے ۔
urdu tv online

مزید پڑھیں  Imran Khan Speech | 20 May 2018 | Urdu tv online

دوستوں سے شئیر کریں

Comments

comments