روس پاکستان کی نیوکلیئر سپلائر گروپ میں شمولیت کا مخالف نہیں‘ روسی سفارتکار

urdu tv online

 ایک سینئر روسی سفارت کار پاول ویو کوسکی نے کہا ہے  روس نیوکلیئر سپلائرز گروپ (این ایس جی) میں پاکستان کی شمولیت کے خلاف نہیں ہے,روس ان ملکوں کی ٹریٹی آن دی نان پرولیفیریشن آف نیوکلیئرویپن (این پی ٹی) میں شمولیت کیلئے چین کے تعاون سے ایک نیا فریم ورک تیار کر رہا ہے۔ جنہوں نے اب تک این پی ٹی پر دستخط نہیں کئے۔

روسی سفارت کار نے پاکستان کی طرف سے نیوکلیئر ایکسپورٹ کنٹرول کے لیے اٹھائے گئے اقدامات کی تعریف کی اور کہا کہ پاکستان کے یہ اقدامات بین الاقوامی سمجھوتوں کے مطابق ہیں۔ روسی سفارت کار ایک تھنک ٹینک ایس وی آئی کے زیراہتمام منعقدہ ایک سیمینار سے خطاب کر رہے تھے۔
پاکستان کے سینئر سفارت کار اور اقوام متحدہ کی کانفرنس برائے ڈس ارمامنٹ میں پاکستان کے مستقل نمائندہ ضمیر اکرم نے اظہار خیال کرتے ہوئے کہا کہ پاکستان جنوبی ایشیاءمیں سٹریٹجک استحکام برقرار رکھنا چاہتا ہے۔ ضمیر اکرم نے کہا کہ جنوبی ایشیاء میں سٹریٹجک توازن‘ ہتھیاروں کے عدم پھیلاو¿ میں تبدیلی آ رہی ہے کیونکہ بھارت نیا ڈیلیوری سسٹم حاصل کرنے کی کوشش کر رہا ہے۔
ضمیر اکرم نے کہا کہ افغانستان میں غیریقینی صورتحال اور بھارت کی طرف سے لائن آف کنٹرول پر بلااشتعال فائرنگ اور بھارت کی پاکستان کے خلاف سب کنونشنل جنگ صورتحال کو تبدیل کر رہی ہے۔ انہوں نے کہا کہ پاکستان بھارت کی حکمت عملی کا جواب Lowyield ایٹمی ہتھیار تیار کر کے دے رہا ہے۔

دوستوں سے شئیر کریں

Comments

comments

مزید پڑھیں  Bad News for paksitanis in Saudia Arabia