’’فاسٹ اور سٹریٹ فوڈ کے شوقین افراد ہو جائیں خبردار‘‘یہ چیز کھائی تو پھر ایسی بیماری پیدا ہو گی کہ جان چھڑانا مشکل ہو جائیگا

پاکستان میں انتہائی شوق سے کھایا جانا والا سٹریٹ شوارما امریکہ میں بھی صحت کیلئے انتہائی خطرناک قرار دیدیا گیا ہے۔ امریکہ میں کنزیومر رائٹس اینڈ ہیلتھ پروٹیکشن کے ادارے نے امریکہ میں سٹریٹ شوارما پر سخت ترین اقدمات اٹھا ئے ہیں اور اس جنک فوڈ پر گہری تشویش کا اظہار کرتے ہوئے اسکو امریکیوں کے لئے خطرنا ک فوڈ قرار دیا ہے ۔ مذکورہ امریکی ادارے کے مطابق سٹریٹ شوارما معدہ میں انتہائی خطرناک بیکٹیریا پیدا کرتا ہے جس سے گیسٹرو انٹسٹائنل انفیکشاور فوڈ پوائزنگ جیسے امراض جنم لیتے ہیں۔شوارما فاسٹ فوڈ کے طور پر بنیادی طور پر ترکی کی سوغات ہے لیکن اب یہ پوری دنیا کے فوڈ کلچر کا حصہ بن گیا ہے،ہر ملک میں شوارما انکی اپنی عوام کے ٹیسٹ کو مدنظر رکھ کر بنایا جاتا ہے ۔ پاکستان میں اس میں ناقص ترین میونیز اور ساسز،مصالحے استعمال تو کیے ہی جاتے ہیں لیکن چکن بھی انتہائی غیر معیاری ہوتا ہے ۔اس سے بھی زیادہ خطرناک بات یہ ہے کہ شوارما گرد آلود سڑکوں اور نالیوں کے قریب بنایا جاتا ہے جس سے زہریلا مواد شوارما میں شامل ہوتا رہتا ہے ۔اب تک ملک میں شوارما کھانے سے ہلاک ہونے کے واقعات بھی رونما ہوچکے ہیں ۔ماہرین کا کہنا ہے کہ شوارما چکن گیس برنرپر مسلسل تپتا رہنے سے گیسز کو جذب کرتا ہے۔یہی گیسز جزوبدن بننے کے بعد کینسر کا باعث بنتی ہیں اوریہ کینسر جاں لیوا ثابت ہوتا ہے۔پنجاب فوڈ اتھارٹی اس ضمن میں انتباہ جاری کرچکی ہے کہ شوارما میں شامل تمام اشیا ءانتہائی ناقص اور زہریلی ہیں لہذا خاص طور پر سٹریٹ شورما کھانے سے اجتناب کیا جائے۔ اکثر شوارما کارنر والے ایل پی جی گیس استعمال کرتے ہیں جن کے سلنڈر بھی ناقص ہوتے اور ان سے کچی گیس رستی رہتی ہے جو شوارما چکن میں شامل ہوجاتی ہے تو شوارما کھانے والوںپر اسکے زہریلےاثرات نمودار ہونے لگتے ہیں۔ ‎

دوستوں سے شئیر کریں

Comments

comments

مزید پڑھیں  Deficiency Of Omega 3 Fatty Acid is Big Problem For Health