معروف سرجن ڈاکٹر ادیب رضوی کی طبیعت ناساز

یکسپریس نیوز کے مطابق پاکستان کے معروف سرجن ڈاکٹر ادیب رضوی کی طبیعت ناساز ہوگئی ہے اور وہ ایس آئی یو ٹی میں زیرعلاج ہیں۔سندھ انسٹیٹیوٹ آف یورولوجی اینڈ ٹرانسپلانٹیشن کے ترجمان کا کہنا ہے کہ پروفیسر ادیب رضوی کو انفلوئنزا اور سینے کے انفیکشن کی شکایت پر ایس آئی یو ٹی منتقل کیا گیا تھا، ادیب رضوی کی طبیعت کی ناسازی کے حوالے سے تشویش کا اظہار کرنے پر ادارہ عوام کا مشکور ہے، ادیب رضوی کی صحت کے حوالے سے تشویش کی کوئی بات نہیں ہے، آئی سی یو میں 3 دن گزارنے کے بعد ادیب رضوی کو کمرے میں منتقل کیا جارہا ہے۔  واضح رہے کہ  معروف ڈاکٹر ادیب الحسن رضوی کی عمر 79 سال ہے اور وہ سندھ اسٹیٹیوٹ آف یورالوجی اینڈ ٹرانسپلانٹیشن (ایس آئی یو ٹی) کے سربراہ ہیں۔ یہ ادارہ اعضا کی مفت پیوندکاری اور ڈائلیسس کرتا ہے۔ یہ ادارہ ہر سال 10 لاکھ سے زائد مریضوں کو بالکل مفت علاج معالجے کی سہولت فراہم کرتا ہے۔

دوستوں سے شئیر کریں

Comments

comments

مزید پڑھیں  Ali Tareen Exclusive Message for PTI Workers for Elections 2018