وہ مسلمان ملک جہاں افطاری کے وقت کا اعلان گولہ باری کر کے کیا جاتا ہے ،جواب ایسا کہ آپ کے تمام اندازے غلط ثابت ہوجائیں گے

دبئی میں توپ کے گولے داغ کر افطارکے وقت کا اعلان کرنے کی روایت اب بھی برقرار ہے۔دنیا بھر میں رمضان کی رونقیں جاری ہیں اور اس رحمتوں ،
برکتوں اور فضیلت والے مہینے میں سحر و افطار کے وقت کا اعلان ہر ملک میں منفرد انداز میں کیا جاتا ہے۔پاکستان میں سحر اور افطار کے وقت کا اعلان سائرن بجا کر کیا جاتا ہے، اسی طرح دبئی میں بھی ہزاروں سال پرانی توپ کے گولے داغ کر افطار کے وقت کا اعلان کرنے کی روایت آج بھی برقرار ہے۔
گلف نیوز کی رپورٹ کے مطابق رمضان المبارک کے موقع پر دبئی کے 6 مختلف مقامات پر توپیں رکھ دی گئی ہیں جن کے ذریعے پورے رمضان اذانِ مغرب کے وقت گولے داغ کر افطار کے وقت کا اعلان کیا جائےگا جب کہ گزشتہ رمضان دبئی میں 5 مختلف مقامات پر توپیں رکھی گئی تھیں۔
دبئی پولیس کے اسسٹنٹ چیف کمانڈر میجر جنرل سعید المیری نے اس رمضان بھی توپ کے گولے داغ کر افطارکے وقت کے اعلان کا بتایا۔ماہِ صیام کے دوران افطار کے وقت شہر توپوں کی آواز سے گونجاٹھتا ہے اور روزہ دار روزہ کھولتے ہیں جب کہ یہ منظر دیکھنے کیلئے لوگوں کی بڑی تعداد ان مقامات کا رخ کرتی ہے۔
بشکریہ روزنامہ پاکستان

مزید پڑھیں  سعودی تیل آمدنی میں 16فیصد اضافہ

دوستوں سے شئیر کریں