ٹرمپ کی پاکستان کو دھمکیاں۔۔۔چین نے پاکستان کی حمایت کرتے ہوئے ٹرمپ کو کھری کھری سنا دی

بیجنگ (نیوزڈیسک) حسب معمول چین ایک مرتبہ پاکستان کے لیے میدان میں آگیا اور امریکی صدر کے دھمکی آمیزٹوئیٹ کے بعد کہاہے کہ عالمی برادری کو دہشت گردی کے خلاف جنگ میں پاکستان کی غیر معمولی خدمات کو تسلیم کرنا چاہیے، پاکستان دہشتگردی کیخلاف جنگ میں بہت قربانیاں دے چکا ہے اور باہمی احترام کی بنیاد پر عالمی تعاون میں مصروف ہے۔آؤٹ لک انڈیا کی ایک رپورٹ کے مطابق جب چینی وزارت خارجہ کے ترجمان گینگ شوانگ سے ٹرمپ کی پاکستان پر حالیہ تنقید کے حوالے سے پوچھا گیا تو ان کا کہنا تھا، ‘پاکستان دہشت گردی کے خلاف جنگ میں بہت قربانیاں دے چکا ہے اور انسداد دہشت گردی کے عالمی مقصد کے لیے اس کی خدمات غیر معمولی ہیں، عالمی برادری کو انہیں تسلیم کرنا چاہیے۔’ان کا مزید کہنا تھا کہ ‘چین کو خوشی ہے کہ پاکستان علاقائی سلامتی اور استحکام کے لیے اپنا کردار ادا کرنے کی غرض سے باہمی احترام کی بنیاد پر انسداد دہشت گردی سمیت عالمی تعاون میں مصروف ہے’۔ترجمان چینی وزارت خارجہ نے مزید کہا کہ ‘چین اور پاکستان تمام موسموں کے دوست ہیں اور ہم دونوں فریقین کے فائدے کے لیے ہر طرح کے تعاون کو فروغ دینے اور مضبوط بنانے کے لیے تیار ہیں’۔دودھ کیلئے بھینسوں کو لگائے جانیوالے انجکشن سے جانوروں کو کینسر ہونے کا انکشاف، دودھ کی فروخت جاری لیکن ڈبے والے دودھ میں دراصل کیا چیز ہے؟ پاکستانیوں کیلئے سب سے پریشان کن انکشاف یاد رہے کہ گذشتہ روز امریکی صدر ڈونلڈ ٹرمپ نے ایک بار پھر پاکستان کو تنقید کا نشانہ بناتے ہوئے کہا تھا کہ امریکا نے گزشتہ 15 برسوں میں اسلام آباد کو احمقوں کی طرح 33 ارب ڈالر امداد کی مد میں دیے لیکن بدلے میں اسے جھوٹ اور دھوکہ ملا۔
دوستوں سے شئیر کریں

Comments

comments

مزید پڑھیں  سعودی عرب اوراس کے اتحادی قطر کے ساتھ تنازع فوری حل کریں، ٹرمپ