ٹرمپ ہٹلر ثانی، شام پر امریکی حملہ کھلی جارحیت ہے ،روس نے بھرپور جواب دینے کا اعلان کردیا

ماسکو ( آن لائن ) امریکا، فرانس اور برطانیہ کی جانب سے شام پر حملے کے بعد روس نے حملے کو کھلی جارحیت قرار دیتے ہوئے کہا ہے کہ امریکا کو کسی نہ کسی قسم کے ردعمل کا سامنا کرنا پڑیگا۔غیر ملکی خبر رساں ادارے کے مطابق روس کے ڈپٹی چیئرمین دفاعی کمیٹی ڈوما کا کہنا ہے

ٹرمپ اور ہٹلر ایک سے ہیں، بلکہ ٹرمپ ہٹلر ثانی ہیں۔ امریکا میں روسی سفارتخانے کی جانب سے جاری بیان میں کہا گیا ہے بدترین خدشات حقیقت کا روپ لے رہے ہیں ،ایسے اقدامات نتائج کے بغیر نہیں جانے دیں گے ، روسی صدر کی بے عزتی کرنا نا قابلِ قبول ہے۔روسی وزارت خارجہ کا کہنا ہے

مزید پڑھیں  فلم ’’ دیو داس ‘‘ میں دھوم مچا نے والی مشہور اداکارہ انتقال کر گئیں

کہ مغربی ممالک کی جانب سے شام پر حملہ ایسے وقت میں کیا ہے جب شام کا پرامن مستقبل کا امکان تھا۔ اقوامِ متحدہ کے سیکریٹری جنرل انتونیو گرتیرس نے کہا ہے کہ سرد جنگ کا آغاز پھر ہو گیا ہے۔حملے کے اعلان کے بعد امریکی صدر ڈونلڈ ٹرمپ کو ریپبلیکن اور ڈیموکریٹ ارکان کی جانب سے امریکی کانگریس سے بغیر مشورے کے حملے کے لیے تنقید کا نشانہ بنایا جا رہا ہے۔ ڈیموکریٹک سینیٹر ٹم کین نے اسے غیر ذمہ دارانہ اور غیر قانونی قرار دیا ہے اور خدشہ ظاہر کیا ہے کہ اس سے مسٹر ٹرمپ کو ایران اور شمالی کوریا پر بمباری کے لیے حوصلہ افزائی ملے گی۔ کانگریس کے ریپبلیکن رکن تھامس میسی نے بھی اسے غیر آئینی قرار دیا۔واشنگٹن ڈی سی میں شام میں حملے کے خلاف وائٹ ہاؤس کے باہر احتجاجی مظاہرہ ہوا ، شام کے صدر بشار الاسد نے امریکا اور اس کے دو اتحادیوں کی جانب سے شام پر حملے کو بین الاقوامی قوانین کی کھلم کھلا خلاف ورزی قرار دیا ہے۔ کینیڈا کے وزیراعظم جسٹن ٹروڈو کا کہنا ہے کہ کینیڈا کیمیائی ہتھیاروں کے استعمال کی مذمت کرتا ہے، امریکا، برطانیہ اور فرانس کی حمایت کرتا ہے۔ نیٹو کے سربراہ نے شام پر حملوں کی حمایت کا اعلان کیا ہے۔

مزید پڑھیں  حال ہی میں پی ٹی آئی جوائن کرنے والے رمیش کمار کی اہلیہ ’ ڈاکٹرسویتا‘ در اصل کون ہیں اور انکا چوہدری نثار کے ساتھ کیاتعلق تھا؟ان کی کروڑوں کی کرپشن دبانے کے لیے سابق وزیر وزیر داخلہ نے ایف آئی اے کو کیسےقابو کیا ؟ تہلکہ خیز انکشاف ہوگیا

دوستوں سے شئیر کریں

Comments

comments