گوگل نے ایسے صارفین کے لیے اپنی نئی سرچ ایپ متعارف کرائی ہے جن کو اکثر انٹرنیٹ مسائل کا سامنا رہتا ہے۔

اگر آپ اسمارٹ فون استعمال کرتے ہیں تو یہ جانتے ہوں گے کہ گوگل ایپ اینڈرائیڈ میں تو ہوتی ہی ہے جبکہ اسے آئی او ایس میں ایپ اسٹور سے ڈاﺅن لوڈ کیا جاسکتا ہے۔

تاہم گوگل گو کو اینڈرائیڈ اور آئی او ایس صارفین کو داﺅن لوڈ کرنا ہوگا جو کہ ٹوجی کنکشن پر بھی سرچ، موسم اور آواز سے حرکت میں آنے والے فیچرز تک تیز رسائی فراہم کرے گی۔

مزید پڑھیں  Nokia Mobile Codes

پانچ ایم بی سے بھی کم حجم کی اس ایپ میں ڈیٹا کی بچت کے لیے کارڈ والے انٹرفیس کی بجائے بٹن دیئے گئے ہیں۔

فوٹو بشکریہ گوگل
گوگل اس ایپ کے ذریعے ترقی پذیر ممالک میں خراب انٹرنیٹ رفتار سے متاثر صارفین کو ہدف بنانا چاہتا ہے، تاہم یہ کسی سے پیچھے نہیں۔

اس کا ایک خاص فیچر امیج سرچ ہے جس سے آپ فوری طور پر اپنی پسند کی تصویر تلاش کرکے دوست کو بھیج سکتے ہیں۔

مزید پڑھیں  گوگل پر نمک حرام ملک لکھو تو کونسا ملک آتا ہے ؟جان کر پاکستانیوں کو جھٹکا لگ گیا،

گوگل نے اگست میں اس ایپ کو آزمائشی بنیادوں پر سرچ لائٹ کے نام سے متعارف کرایا تھا تاہم اب اسے بدل کر یوٹیوب گو (لائٹ ورژن) کی طرز پر گوگل گو رکھ دیا گیا ہے۔

گوگل اب کم میموری والی ڈیوائسز کے لیے اینڈرائیڈ گو آپریٹنگ سسٹم کی تیاری پر بھی کام کررہا ہے۔

مزید پڑھیں  کیا کوئی آپ کے موبائل فون کے کیمرے کے ذریعے آپ کی تصاویر اور ویڈیوز بنا رہا ہے؟ وہ بات جو آپ کو ہر صورت معلوم ہونی چاہیے

اور گوگل ان گو ایپس کے ذریعے مزید ایک ارب صارفین کو اپنی کمپنی کا حصہ بنانا چاہتی ہے اور اس مقصد کے لیے اس کی نظریں بھارت، پاکستان اور افریقہ وغیرہ پر مرکوز ہیں۔

دوستوں سے شئیر کریں

Comments

comments