سینٹ کمیٹی اجلاس ختم۔۔۔فیصلہ کیا ہوا:اندر کی بڑی خبر آگئی

urdu tv online
اسلام آبادـ(نیوزڈیسک)ڈی جی آئی ایس پی آر میجر جنرل آصف غفور نے میڈیا کو بریفنگ دیتے ہوئے کہا کہ آ رمی چیف کی آمد سے سینیٹرز بہت خوش ہوئے ۔انہوں نے کہا کہ ایک گھنٹہ بریفنگ ہوئی جس کے بعد تین گھنٹے سوالات و جوابات ہوتے رہے ۔میجر جنرل آصف غفور کا کہنا ہے کہ سینیٹ کمیٹی کے اجلاس میں تمام سینیٹرز نے پاک فوج کے کردار کو سراہا اور قربانیوں کو تسلیم کیا جب کہ اس بات پر بھی اتفاق ہوا کہ سب کو مل کر دہشت گردی کا مقابلہ کرنا ہے۔اسلام آباد میں سینیٹ کی ہول کمیٹی کے ان کیمرہ اجلاس کے بعد میڈیا سے گفتگو کرتے ہوئے ڈی جی آئی ایس پی آر میجر جنرل آصف غفور کا کہنا تھا کہ بند کمرہ اجلاس پر اصولی طور پر بات نہیں کرنی چاہیے۔ آئندہ آنے والے دنوں میں تفصیلی پریس کانفرنس کروں گا۔ ان کا کہنا تھا کہ 18 ستمبر کو دفاعی کمیٹیوں کے چیئرمینز نے آرمی چیف سے بریفنگ کی درخواست کی اور آرمی چیف نے درخواست قبول کرلی اور کہا کہ دعوت دی گئی تو ضرور آوٴں گا۔ جس پر چیئرمین سینیٹ نے خط لکھ کر آرمی چیف کو بریفنگ کی دعوت دی۔ترجمان پاک فوج میجر جنرل آصف غفور کا کہنا تھا کہ بہت سے سینٹرز ایسے ہیں جنہیں سوالات کرنے کا موقع نہیں ملا تاہم خوشی ہوئی کہ تمام سینٹرز موجودہ سیکیورٹی صورتحال سے آگاہ تھے۔اجلاس میں تمام سینیٹرز نے پاک فوج کے کردار کو سراہا اورقربانیوں کو تسلیم کیا جب کہ اس بات پر بھی اتفاق ہوا کہ سب کو مل کر دہشت گردی کا مقابلہ کرنا ہے
دوستوں سے شئیر کریں

Comments

comments

مزید پڑھیں  زونگ نےگاڑی مالکان کوبڑی خوشخبری سنا دی